TRASLADO E ADAPTACIÓN. A inmensa maioría das especies
litorais aguantan moi pouco tempo de traslado, especialmente polo aumento da
temperatura e tamén pola escasez de osíxeno ademáis de polo sensibles que son ó
traqueteo do transporte. Se o traslado non se pode facer de inmediato, hai que
poñe-la auga en sitio fresco, e osixenala cun aireador. Temos que coidar que non se quente a auga.
Despois, o transporte ten que ser moi coidadoso para que non se golpeen contra
as paredes, especialmente se son peixes. Finalmente, temos que evitar como sexa
o chamado "choque térmico": un brusco "salto" entre as
temperaturas da auga na que estan e a do acuario. Antes de os introducir nel,
comprobaremos que non hai gran diferencia de temperaturas (un "salto"de
3-5ºC xa é moito). O mellor método é traslada-los animais en bolsas de plástico
cheas de auga ata a metade: amortigua os posibles golpes e facilita a
adecuación térmica: a bolsa introducese no acuario unha media hora para
compensar a diferencia. Para maior precaución, aínda antes de trasvasalos,
podemos sustituir un tercio da auga da bolsa por auga do acuario, e repetilo
aínda un pouco máis tarde. Lémbrade que
as presas non che son nada boas: apresurarse para ve-la nosa fermosa barbada
nadando polo acuario é arriscarse a vela morrer lentamente. Xa dixemos o
importante que é que o acuario sexa grande e que esté en lugar fresco e aireado
para que a súa temperatura non suba moito nunca.
